پیوندهای مفید
اخبار و اعلانات
آمار
| تعداد نشریات | 34 |
| تعداد شماره‌ها | 453 |
| تعداد مقالات | 4,299 |
| تعداد مشاهده مقاله | 6,537,744 |
| تعداد دریافت فایل اصل مقاله | 6,430,677 |
شیکاری ناوەڕۆکیی شیعری «بر خوان خورشید»-ی سوارە ئێلخانیزادە، بەپێی هێماخوازیی کۆمەڵایەتی | ||
| پژوهشنامه ادبیات کردی | ||
| مقالات آماده انتشار، اصلاح شده برای چاپ، انتشار آنلاین از تاریخ 19 مهر 1405 | ||
| نوع مقاله: مقاله پژوهشی | ||
| شناسه دیجیتال (DOI): 10.22034/jokl.2026.144228.1448 | ||
| نویسنده | ||
| جعفر قهرمانی* | ||
| کارشناس ارشد زبان و ادبیات فارسی | ||
| چکیده | ||
| بێگومان، بارودۆخی کۆمەڵایەتی، سیاسی و ئابووری کاریگەرییەکی بەرچاوی لەسەر چۆنیەتیی سەرهەڵدانی ڕێباز و شێوازی شیعری و بەگشتی، وێژە هەیە. لە ئەدەبی هاوچەرخی کوردیدا، سوارە وەک یەکەم شاعیری ڕەچەشکێنی شیعری نوێی ڕۆژهەڵات ناسراوە؛ شاعیرێکی فرەڕەهەندە کە ناوبانگی ئەدەبیی زیاتر قەرزداری شیعری نوێی کوردییە؛ بەڵام بەرهەمەکانی دیکەی، وەک پەخشان، چیرۆک، شانۆ، وەرگێڕان، ڕەخنە و شیعری فارسی، کەمتر لێکۆڵینەوەیان بۆ کراوە. لە شیعرەکانیدا دەتوانین گەلێک ڕەگەزی ڕەوتە جۆراوجۆرەکانی شیعر دیاری بکەین؛ بەڵام ڕێبازی هێماخوازیی کۆمەڵایەتی زیاتر بیر و زەینی سوارەی بۆلای خۆی ڕاکێشاوە. لە کۆمەڵەشیعری «شەنگەسوار»دا بیست شیعری فارسی هەیە و لە ڕێگەی لێکدانەوەیان دەکرێت ئەو بابەتە دەربخرێت کە سوارە لە ئاستی زمان، بیر و ئەدەبدا لە شیعری فارسی تێگەیشتنێکی قووڵی هەبووە و شارەزای شێواز و ڕەوتە جیاوازەکانی شیعری کۆن و نوێی فارسی بووە. لەم توێژینەوەیەدا، شیعری «بر خوان خورشید»ی سوارە لە نێو بەرهەمە فارسییەکانیدا هەڵدەبژێرێت و بەپێی ڕێبازی هێماخوازیی کۆمەڵایەتی شیکاری دەکات. ئەو شیعرە دوو ڕووبەری واتایی هەیە: یەکەم، ڕووبەری دەرەوە کە بوونی شەوێکی سامناک وێنا دەکات و نائومێدیی شاعیر بە سروشتی سیاسی دەردەخات؛ دووەم، ڕووبەری مێژوویی کە بارودۆخی سیاسی و کۆمەڵایەتیی ئێرانی دەیەکانی چل و پەنجا نیشان دەدات. ڕەنگە مەبەستی سەرەکیی سوارە لە هۆنینەوەی ئەو شیعرە، تەنیا بەرزکردنەوەی ئاستی وشیاریی کۆمەڵگا و گێڕانەوەی زەبروزەنگی دەسەڵاتی پەهلەوی دووەم بووبێت. ڕێبازی توێژینەوەکە وەسفی ـ شیکارییە و لە ڕێگەی شیکردنەوەی ناوەڕۆک و هێماکانی شیعرەکەوە، پەیوەندیی نێوان دەق و بارودۆخی مێژوویی و کۆمەڵایەتیی سەردەمی شاعیر تاوتوێ دەکات. مەبەست لە شیکردنەوەی ئەو شیعرە، سەلماندنی ئەو بابەتەیە کە توانای ئەدەبیی سوارە تەنیا بە شیعری کوردی سنووردار نەبووە، بەڵکوو لە شیعری فارسیشدا ئەزموون و توانایەکی ئەدەبیی بەرچاو بووە. | ||
| کلیدواژه‌ها | ||
| وشەگەلی سەرەکی: شیعری نوێی کوردی؛ هێماخوازی؛ هێماخوازیی کۆمەڵایەتی؛ سوارە ئێلخانیزادە | ||
| مراجع | ||
|
| ||
|
آمار تعداد مشاهده مقاله: 2 |
||